Сельгаспрадпрыемствы Бераставіччыны шчыра і сардэчна віталі гасцей раённых Дажынак на сваіх падвор’ях.
Пляцоўкі здзіўлялі сваёй індывідуальнасцю, сваім цудоўным фальклорным стылем, сваім палётам фантазіі.
Каларытныя інсталяцыі і фотазоны, выступленні артыстаў, гульні і конкурсы – кожная гаспадарка прапанавала насычаную забаўляльную праграму.
На алекшыцкай пляцоўцы можна было пачаставацца стравамі нацыянальнай кухні – тушанай бульбай і капустай з мясам, паласавацца смажанымі на патэльні піражкамі з капустай.
На пархімаўскім падворку смажылі шашлык з дапамогай … веласіпеда.
На эйсмантаўскім вучыліся побытавым танцам.
Усё ж такі якое маляўнічае, вясёлае і хлебасольнае свята – “Дажынкі”! У аграгарадку Вялікія Эйсманты яно прайшло ярка і з размахам.
Святлана ГАНЧАРОВА
Фота аўтара
Больш здымкаў глядзіце па спасылцы https://disk.yandex.by/d/_JyD41ncvli9Mg
