Да Сусветнага дня абароны правоў дзіцяці, які штогод адзначаецца ў свеце 20 лістапада, Бераставіцкая раённая бібліятэка імя В. М. Кавалеўскага правяла для вучняў Вялікабераставіцкай сярэдняй школы прававую гульню-віктарыну “Мы і нашы правы”.
Удзельнікам мерапрыемства расказалі аб правах, абавязках і адказнасці непаўналетніх. Было адзначана, што самыя галоўныя дакументы ў свеце, дзе зацвярджаюцца правы дзіцяці – гэта Дэкларацыя аб правах дзіцяці і Канвенцыя аб правах дзіцяці.
Вучні з цікавасцю прынялі ўдзел у гульнях “Правы чалавека ў песнях”, “Я маю правы”, “Правы літаратурных герояў” і іншых.
Напрыканцы мерапрыемства дзеці расказалі пра свае жаданні, прадоўжыўшы фразу “Я хачу мець права…”.
Інга АНТАНОВІЧ, бібліёграф Бераставіцкай раённай бібліятэкі імя В. М. Кавалеўскага
