У рамках рэспубліканскай акцыі “Ад усёй душы” ў філіяле “Кватарская інтэграваная сельская бібліятэка” прайшла калядная сустрэча “Свята пажаданняў і надзей”.
Удзельніц аматарскага аб’яднання “Кватараначка” сардэчна павіншаваў з каляднымі святамі старшыня Пагранічнага сельвыканкама Іван Козел. Іван Іванавіч пажадаў ім здароўя і поспехаў ва ўсіх пачынаннях, як мага даўжэй захоўваць свой аптымізм і яскравую энергію. Гэтыя якасці, дарэчы, вельмі ўласцівыя творчым і ініцыятыўным кватарскім жанчынам і дапамагаюць ім упэўнена крочыць па жыцці.
Падчас мерапрыемства за салодкім сталом прысутныя ўспомнілі традыцыі святкавання каляд, падзяліліся цікавымі гісторыямі са свайго жыцця, з ахвотай паўдзельнічалі ў калядных гаданнях, гульнях, конкурсах і інсцэніроўках. Сустрэча аднавяскоўцаў прайшла ў надзвычай цёплай сардэчнай атмасферы.
Іна МАКСІМЮК, бібліятэкар Кватарскай інтэграванай сельскай бібліятэкі. Фота прадастаўлена Кватарскай інтэграванай сельскай бібліятэкай
