У рамках раённай акцыі “Сімвалы незалежнасці, міру і стварэння” ў Вялікай Бераставіцы адбылося ўрачыстае мерапрыемства, прысвечанае Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.
![](https://www.beresta.by/wp-content/uploads/2024/05/img_1561.jpg)
У раённым цэнтры культуры і народнай творчасці сабраліся прадстаўнікі розных пакаленняў бераставічан, каб наглядна і яскрава прадэманстраваць вернасць роднай краіне і гістарычнай памяці, імкненне захаваць і прымножыць дасягненні нашых продкаў.
![](https://www.beresta.by/wp-content/uploads/2024/05/img_1634.jpg)
![](https://www.beresta.by/wp-content/uploads/2024/05/img_1635.jpg)
![](https://www.beresta.by/wp-content/uploads/2024/05/img_1760.jpg)
Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь – гэта свята тых, каму дарагія і зразумелыя нашы агульныя каштоўнасці – гонар за краіну, жаданне працаваць дзеля яе росквіту, любоў да сваёй зямлі, сям’і, родных.
![](https://www.beresta.by/wp-content/uploads/2024/05/img_1571.jpg)
Усе прысутныя разам з артыстамі ўрачыста выканалі Дзяржаўны гімн Рэспублікі Беларусь.
![](https://www.beresta.by/wp-content/uploads/2024/05/img_1577-1.jpg)
![](https://www.beresta.by/wp-content/uploads/2024/05/img_1575.jpg)
![](https://www.beresta.by/wp-content/uploads/2024/05/img_1566.jpg)
![](https://www.beresta.by/wp-content/uploads/2024/05/img_1579.jpg)
Са словамі віншавання да бераставічан звярнуліся старшыня райвыканкама Дзмітрый Кадргулаў і дэпутат Палаты прадстаўнікоў Нацыянальнага сходу Рэспублікі Беларусь Антон Кулісевіч.
![](https://www.beresta.by/wp-content/uploads/2024/05/img_1585.jpg)
![](https://www.beresta.by/wp-content/uploads/2024/05/img_1596.jpg)
Вучні Вялікабераставіцкай СШ зачыталі клятву на вернасць краіне і яе нацыянальным сімвалам.
![](https://www.beresta.by/wp-content/uploads/2024/05/img_1633.jpg)
Прадстаўнікам моладзі Бераставіччыны былі ўручаны членскія білеты Беларускага рэспубліканскага саюза моладзі.
![](https://www.beresta.by/wp-content/uploads/2024/05/img_1660.jpg)
![](https://www.beresta.by/wp-content/uploads/2024/05/img_1670.jpg)
![](https://www.beresta.by/wp-content/uploads/2024/05/img_1671.jpg)
![](https://www.beresta.by/wp-content/uploads/2024/05/img_1679.jpg)
На ўрачыстасці новымі членамі папоўнілася і Бераставіцкае раённае аддзяленне Беларускай партыі “Белая Русь”.
![](https://www.beresta.by/wp-content/uploads/2024/05/img_1714.jpg)
![](https://www.beresta.by/wp-content/uploads/2024/05/img_1693.jpg)
![](https://www.beresta.by/wp-content/uploads/2024/05/img_1720.jpg)
![](https://www.beresta.by/wp-content/uploads/2024/05/img_1729.jpg)
Канцэртныя нумары ў выкананні работнікаў Бераставіцкага раённага цэнтра культуры і народнай творчасці, дарослых і юных удзельнікаў аматарскай творчасці, узорнага хора “Кампанэллі” дзіцячай школы мастацтваў былі напоўнены шанаваннем гераічнай гісторыі свайго народа, любоўю да роднай зямлі і павагай да дзяржавы, якую разам мы будуем больш за 30 гадоў.
![](https://www.beresta.by/wp-content/uploads/2024/05/img_1610.jpg)
![](https://www.beresta.by/wp-content/uploads/2024/05/img_1616.jpg)
![](https://www.beresta.by/wp-content/uploads/2024/05/img_1614.jpg)
![](https://www.beresta.by/wp-content/uploads/2024/05/img_1622.jpg)
![](https://www.beresta.by/wp-content/uploads/2024/05/img_1642.jpg)
![](https://www.beresta.by/wp-content/uploads/2024/05/img_1752.jpg)
![](https://www.beresta.by/wp-content/uploads/2024/05/img_1734-1.jpg)
![](https://www.beresta.by/wp-content/uploads/2024/05/img_1744.jpg)
![](https://www.beresta.by/wp-content/uploads/2024/05/img_1759.jpg)
У фае раённага цэнтра культуры дзейнічала тэматычная кніжная выстава Бераставіцкай райбібліятэкі імя В. М. Кавалеўскага і экспазіцыя творчых работ навучэнцаў мастацкага аддзялення Бераставіцкай дзіцячай школы мастацтваў.
![](https://www.beresta.by/wp-content/uploads/2024/05/img_1766.jpg)
![](https://www.beresta.by/wp-content/uploads/2024/05/img_1767.jpg)
Святлана ГАНЧАРОВА
Фота аўтара
Больш здымкаў ТУТ