![](https://sp-ao.shortpixel.ai/client/to_auto,q_lossless,ret_img,w_854,h_640/https://www.beresta.by/wp-content/uploads/2024/07/0-02-05-aa8885151ca6adae5d0a5a3b4d30c05c97487179df47f8484b1dfe7b20ace81a_69510b4c-3.jpg)
Паэзія — гэта тое, што аб’ядноўвае ў сабе паэтычнае слова, меладычнасць і пачуццё любові да роднага краю.
Пачуць мелодыку беларускай мовы можна было, пабываўшы ў літаратурнай гасцёўні “Беларуская паэзія” ў старэйшай групе дзіцячага садка.
Акунанне ў свет паэзіі пачалося са знаёмства з партрэтамі беларускіх паэтаў Я. Купалы, Я. Коласа, М.Багдановіча, Р.Барадуліна, У.Віткі, М.Танка, іх біяграфій, цікавымі выпадкамі іх творчага жыцця.
![](https://sp-ao.shortpixel.ai/client/to_auto,q_lossless,ret_img,w_854,h_640/https://www.beresta.by/wp-content/uploads/2024/07/0-02-05-f493e9f76e0ba52d7d27ec9045ffb45bab2c38866bd2da4bdaddac80bd881c03_2fdf8cca-1.jpg)
Паэтычная частка была прысвечана выхаванню ў дашкольнікаў пачуцця патрыятызму, цікавасці да гісторыі Радзімы і любові да роднага краю. Гучалі вершы Э.Агняцвет “Зямля з блакітнымі вачыма”, Я.Колас “На лузе”, М.Танк “Хлеб” і інш. Іх чыталі як дарослыя, так і дзеці.
![](https://sp-ao.shortpixel.ai/client/to_auto,q_lossless,ret_img,w_854,h_640/https://www.beresta.by/wp-content/uploads/2024/07/0-02-05-5509a9df575e491f457dcb7f2533d8b91e7d8cc9ef6281f2547b82b2a49d7275_145776bc-1.jpg)
Выдатным дадаткам да паэтычных радкоў стала музыка. Гучалі песні «Спадчына», «Зорка Венера» на вершы нашых знакамітых паэтаў.
Сапраўды, наша мова заслугоўвае таго, каб на ёй размаўлялі з маленства.
Людміла Шалкевіч, выхавальнік Пагранічнага дзіцячага сада
Фота аўтара