Вопытны работнік СВК “Малабераставіцкі элітгас”

Як вопытнага, адказнага работніка ахарактарызавала механізатара Аляксандра Савоську намеснік старшыні па ідэалагічнай рабоце СВК “Малабераставіцкі элітгас” Таццяна Жэнгелевіч.
Падчас уборкі збожжавых Аляксандр працаваў на прэсаванні саломы. А прэс-падборшчыка “Нью Холанд”, як у яго, больш у раёне пакуль няма. Зразумела, што такую выдатную тэхніку абы-каму не давераць, яе любіць, берагчы трэба.
На чыста ўбранае роўнае поле люба было паглядзець. Ды і сам Аляксандр задаволены ад такой работы.
А зараз ён заняты на падрыхтоўцы глебы пад сяўбу азімых. Таксама стараецца, кожны від работ выконвае якасна.
Ніна Наддэ, фота аўтара