Цукровы канвеер на станцыі “Бераставіца”

Чыгуначная станцыя “Бераставіца” – важнае прамежнае звяно ў цукровым канвееры, які дзейнічае з пачатку верасня. За дзве няпоўных дэкады са станцыі адпраўлена на перапрацоўку у Скідаль звыш 270 паўвагонаў салодкіх каранёў агульнай вагой амаль 14 тысяч тон. А ўсяго па плану да канца месяца чыгуначнікамі намечана перавезці больш за 20 тысяч тон буракоў.
Адгружаюць сыравіну ў вагоны на буракапрыёмным пункце ў Пагранічным, куды штодзённа ў адпаведнасці з вызначанымі квотамі дастаўляюць сваю прадукцыю гаспадаркі з Бераставіцкага, Свіслацкага і Ваўкавыскага раёнаў. Такая кваціраваная адпраўка цукровых буракоў на перапрацоўваючае прадпрыемства захаваецца да канца верасня, а ў кастрычніку пачнецца нарыхтоўка каранёў у бурты, каб потым адгружаць іх па меры неабходнасці.
Сяргей Хілюта