Жыццё… Мы заўсёды кудысьці спяшаемся, бяжым, што часта не заўважаем побач тых людзей, якія маюць патрэбу проста ў нашай падтрымцы. Пасля ўрокаў навучэнцы 8 класа Пархімаўскага ясляў-сада-базавай школы, паспяшаліся аказаць дапамогу, падтрымку пажылым грамадзянам.
Школьнікі працавалі зладжана: прыбіралі ў доме, насілі ваду, наводзілі парадак на прысядзібных участках. І як вынік — усмешкі бабуль і дзядуль!
Акрамя таго, дзеці даведаліся шмат новага пра сваю малую радзіму, а таксама выслухалі іх успаміны пра падзеі даўно мінулых дзён. А з некаторымі проста пагаварылі па душах.
Няхай гэтая маленькая дапамога стане той адчувальнай кропляй у вялікім віры добрых спраў, пра што і дзеці, і пажылыя людзі будуць успамінаць з цеплынёй доўгі час!
Святлана ВОЙШЭЛЬ, класны кіраўнік 8 класа Пархімаўскага ясляў-сада – базавай школы
