22 снежня ў Макараўскім дзіцячым садзе-сярэдняй школе прайшло пасяджэнне Школы Актыўнага Грамадзяніна па тэме «Я родным краем ганаруся і ведаю – я не адзін».
Эпіграфам да адкрытага дыялога сталі словы Прэзідэнта Рэспублікі Беларусь: «Беларусь – наш агульны дом, і ў нашых інтарэсах зрабіць яго ўтульным і ўзорным. Давайце пакажам, што мы сапраўдныя і руплівыя гаспадары сваёй зямлі. Нас многа, і таму нават самы сціплы ўклад кожнага адыграе сваю ролю, зробіць краіну яшчэ больш прыгожай”.
Удзельнікі мерапрыемства праглядзелі прэзентацыю па тэме, пазнаёміліся з інфармацыйнымі блокамі: ”Дасягненні сувярэннай Беларусі в розных сферах грамадскага жыцця”, «Марафон добрых спраў – наш уклад у развіццё малой радзімы”, падзяліліся сваімі меркаваннямі аб значэнні для кожнага чалавека паняцця “малая радзіма”, адказалі на пытанні: “Які ўклад развіццё Бераставіцкага раёна ўнеслі нашы землякі?”, “Чым вы змаглі дапамагчы сваёй малой радзіме”?
Вучні расказвалі аб працоўных дэсантах па ўпарадкаванню тэрыторыі школы і тэрыторыі вакол помнікаў воінам Вялікай айчыннай вайны, аб акцыях па збору металалома, аб ачыстцы леса ад смецця, аб дапамозе дзецям-інвалідам, пажылым людзям. А ў канцы пасяджэння падвялі вынік: дапамагчы сваёй малой радзіме —значыць дапамагчы ўсёй краіне.
Ва ўрачыстай абстаноўцы вучням, якім споўнілася 14 гадоў, былі ўручаны падарункавыя выданні «Я-грамадзянін Рэспублікі Беларусь». Класныя кіраўнікі павіншавалі юных грамадзян з такой значнай падзеяй у іх жыцці, пажадалі быць годнымі гэтага высокага звання, заўсёды памятаць і не забываць свой родны куточак, дзе яны нарадзіліся і жывуць.
Ларыса Аўдзей, класны кіраўнік 8 класа Макараўскага ясляў-сада – сярэдняй школы
