У рамках мэтавай праграмы “Бібліятэка – старэйшаму пакаленню”, якая прызвана разнастаіць вольны час людзей пажылога ўзросту, у філіяле “Алекшыцкая сельская бібліятэка” адбыўся кіналекторый “Кіно на ўсе часы”.
Госці сельскай бібліятэкі даведаліся пра цікавыя факты з гісторыі ўтварэння кінаматографа, паглядзелі ўрыўкі з савецкіх фільмаў. Была праведзена віктарына “Старыя, добрыя фільмы”. Цікава і весела прайшла гульня “Крылатыя фразы і выразы з айчынных кінастужак”.
Сустрэча прайшла ў цёплай сяброўскай атмасферы. Яе ўдзельнікі дзяліліся ўспамінамі, абмяркоўвалі любімыя кінафільмы і лёсы легендарных акцёраў. На працягу вечара гучалі папулярныя песні з кінастужак у выкананні дырэктара філіала па культурна-дасугавай дзейнасці аг. Алекшыцы Уладзіміра Макара. Для ўсіх прысутных прачытала гумарэску Таісія Пузевіч.
Была падрыхтавана тэматычная кніжная выстава.
Вольга Барысевіч, загадчык філіяла “Алекшыцкая сельская бібліятэка”
