У нядзелю, 13 мая, у парафіі Перамянення Гасподняга г.п.Вялікая Бераставіца адбылася вялікая ўрачыстаць: Першая Камунія для маленькіх вернікаў. У гэтым годзе дзевятнаццаць хлопчыкаў і дзяўчынак упершыню прынялі ў сваё сэрца Езуса ў выглядзе белай гостыі.
Гэты дзень стаў радасным і доўгачаканым не толькі для дзяцей, іх бацькоў і родных, але і для ўсёй парафіяльнай супольнасці.
Святая Імша пачалася з урачыстага ўваходу дзяцей у касцёл пасля таго, як яны атрымалі благаслаўленне сваіх бацькоў.
Пры запаленых свечках першакамунійныя дзеці паабяцалі працягваць вывучэнне Божага Слова, наведваць урокі рэлігіі і быць годнымі людзьмі ва ўсіх сваіх учынках.
Святую Камунію ўдзяліў дзецям ксёндз-дэкан Вальдэмар Слота.
Наперадзе ў маленькіх вернікаў “белы тыдзень” – час падзякі за сакрамэнт Пакаяння і Эўхарыстыі.
Ірына Міклаш, фота аўтара
