Тыдзень беларускай мовы і літаратуры ў Бераставіцкім сельскагаспадарчым ліцэі

Тыдзень беларускай мовы і літаратуры, які праходзіў з 29 лютага па 5 сакавіка ў Бераставіцкім сельскагаспадарчым ліцэі, даў магчымасць яго навучэнцам пазнаёміцца ​​з мясцовай паэтэсай Святланай Пракопік і аўтарам раённай кнігі «Памяць», лаўрэатам прэміі Прэзідэнта Рэспублікі Беларусь «За духоўнае адраджэнне» Мікалаем Пацэнкам.
Арганізатарам сустрэчы “Бераставіччына літаратурная” выступіла раённая бібліятэка імя Восіпа Кавалеўскага. Святлана Валянцінаўна ўспамінала пра шлях да творчасці і вершаў, дэкламавала сваю паэзію. Гэта былі вершы і на філасофскую тэматыку, і пра прыроду. Дарэчы, не толькі пра беларускую, але і пра пейзажы Расіі (Святлана Пракопік адтуль родам). Калі яна звярнулася з пытаннем да аўдыторыі: «Што вам яшчэ пачытаць?», слухачы прасілі пра каханне. І тады з вуснаў Святланы Валянцінаўны паліліся радкі пра першую ўлебёнасць і іншыя вершы на гэтую тэматыку. Адпускаць Святлану Пракопік без адказу на хвалюючыя пытанні ліцэісты не хацелі. Хлопцы пыталіся: «Колькі вершаў ужо напісана?», «Хто стаў першым слухачом?», «Ці натхняе беларуская прырода на новыя вершаваныя творы?», «Як наогул ствараюцца вершы?». Ніводное пытанне не засталося без адказу.
Аб процілеглым паэзіі кірунку – літаратурнай дакументалістыцы – распавёў Мікалай Пацэнка. Навучэнцы ліцэя даведаліся, што значны ўклад у гісторыю Береставіччыны Мікалай Іванавіч унёс стварэннем раённай кнігі «Памяць». «Летапісная хроніка Бераставіччыны» ў шасці тамах таксама выдадзена не без яго ўдзелу. Мікалай Пацэнка акцэнтаваў увагу прысутных на тым, што з летапісу можна даведацца цікавыя гістарычныя факты аб нашым раёне. Прыцягнуць аўдыторыю мясцоваму краяведу ўдалося не толькі прадстаўленнем сваіх літаратурных работ, а і цікавымі ўспамінамі з студэнцкага жыцця.
Таксама работнікі раённай бібліятэкі падрыхтавалі для навучэнцаў ліцэя кніжную выставу Святланы Пракопік «Я вам дарю свою любовь», якая была прысвечана старонкам творчай біяграфіі паэткі. Кожны жадаючы мог звярнуцца да экспазіцыі і даведацца цікавыя факты з жыцця Святланы Валянцінаўны.
Алена Карпук, фота аўтара