зоймуць сваё пачэснае месца на паліцах будучага раённага музея. Гэтыя рэчы былі перададзены музейным супрацоўнікам самім консулам Халтархуу Балдбаатарам падчас яго нядаўняга візіту на Бераставіччыну. Дарэчы, візіт такіх высокіх гасцей – а прыехаў Ганаровы консул Манголіі разам з прафесарам Маскоўскага дзяржаўнага ўніверсітэта – стаў магчымым, дзякуючы старанням мясцовых музейных работнікаў, якія звярнуліся ў консульства Манголіі і пасольства Кітая з просьбай дапамагчы адшукаць экспанаты, паколькі вядомы вучоны-манголазнаўца, аўтар «Мангольска-руска-французскага слоўніка» і іншых шматлікіх прац па ўсходазнаўству Восіп Кавалеўскі (1801-1878) нарадзіўся ў Вялікай Бераставіцы, у нас шануюць памяць пра гэтага вучонага, вывучаюць яго біяграфію, імкнуцца знай-сці кантакты для абмену гістарычнымі звесткамі пра славутага земляка.
У консульстве Манголіі з цікавасцю і энтузіязмам сустрэлі прапанову мясцовых краязнаўцаў наведаць радзіму чалавека, які адным з першых «адкрыў Манголію Еўропе». І такая сустрэча адбылася. Госці пазнаёміліся з нашым мястэчкам, з той работай, якая вядзецца па захаванні памяці Восіпа Кавалеўскага, паабяцалі прыехаць на ўрачыстае адкрыццё раённага музея.
Сярод падарункаў асаблівую цікавасць выклікае мангольскі нацыянальны музычны інструмент морын хуур (инструмент с лошадиной головой). Морын хуур – адзін з сімвалаў мангольскага культурнага адзінства. Гэты інструмент у 2005 го-дзе па рашэнні ЮНЕСКА атрымаў сертыфікат аб замацаванні яго ў якасці скарбніцы культурнай спадчыны чалавецтва. Цікава, што галоўка грыфа хуура традыцыйна вырабляецца ў выглядзе галавы каня, а гук інструмента ў мангольскай паэзіі параў-ноўваецца з конскім ржаннем ці з подыхам ветру ў стэпе. Адметна, што морын хуур і сёння выкарыстоўваецца ў сучасных мангольскіх нацыянальных аркестрах.
Акрамя гэтага госці прывезлі некаторыя прадметы нацыянальнага посуду (медную піялу) і адзення, шэраг сувенірнай прадукцыі, сярод якой – карціны з мангольскімі краявідамі, кнігі, фотальбомы і інш.
Падчас сустрэчы вялася папярэдняя размова аб наладжванні ў нас ці ў Гродне так званых “кавалеўскіх чытанняў”, а таксама аб далейшым падтрыманні культурных сувязей.
На здымку: апісаць новыя экспанаты – задача дырэктара раённага краязнаўчага музея Аляксандра ГАЛАВАЧА і метадыста па захаванні гісторыка-культурнай спадчыны аддзела культуры райвыканкама Мікалая ПАЦЭНКІ.
Святлана Ганчарова, фота аўтара
