Не бывае часовага патрыятызму. Яго альбо няма, альбо ён на ўсё жыццё. Нашы навучэнцы пастаянна пацвярджаюць сваю любоў да Радзімы.
Асаблівая ўвага напярэдадні 9 мая надаецца помнікам. Навучэнцы Пархімаўскага ясляў-сада – базавай школы даўно шэфствуюць над помнікамі землякам, загінуўшым у гады Вялікай Айчыннай вайны ў аг.Пархімаўцы і в. Карпаўцы. Валанцёры, члены ГА “БРСМ” сочаць, каб іх тэрыторыя круглы год была чыстай і дагледжанай. А кожную вясну, добраўпарадкоўваюць месца яшчэ лепш, падрыхтоўваючы яго да самага галоўнага свята – Дня Перамогі.
8 мая быў арганізаваны аўтобусны маршрут памяці “З лампадай ля Вечнага агню”. Пачатак маршруту пачаўся з наведвання помніка землякам, загінуўшым у гады Вялікай Айчыннай вайны ў аг.Пархімаўцы. Навучэнцы школы падрыхтавалі вершы. Было відаць, што для кожнага з іх гэта не проста чарговае выступленне, а магчымасць такім чынам выказаць падзяку за той подзвіг, які здзейснілі ветэраны. Прысутныя па традыцыі хвілінай маўчання ўшанавалі памяць тых, хто загінуў, абараняючы родную зямлю, і ўсклалі кветкі да помніка. Далей удзельнікі маршруту наведалі помнікі землякам, загінуўшым у гады Вялікай Айчыннай вайны ў в.Карпаўцы і аг.Малая Бераставіца. Чацвёртым аб’ектам маршруту стаў помнік камандзіру мотастралковай дывізіі палкоўніку Геронцію Несцеравічу Цітаішвілі, які загінуў у баях за вызваленне нашай малой радзімы. Канчатковым пунктам маршруту стала магіла ахвяр фашызму ў аг.Малая Бераставіца. Удзельнікі маршруту ўшаноўвалі памяць ахвяр фашызму хвілінай маўчання і запалілі лампадкі.
Сімвалічна, што сёлета 9 мая мы адзначылі і Дзень Дзяржаўнага герба і Дзяржаўнага сцяга Рэспублікі Беларусь — дзяржаўных сімвалаў, якія аб’ядноўваюць нас у самыя важныя моманты ў лёсе Айчыны…
10 мая для навучэнцаў 1-9 класаў прайшоў інтэлектуальна-пазнавальны квэст. На мерапрыемстве мы ўспомнілі слаўныя старонкі гісторыі Айчыны і яшчэ раз звярнуліся да сімволікі, якую трэба берагчы кожнаму з нас. Кульмінацыяй квэста стала акцыя “Праспяваем гімн Рэспублікі Беларусь разам!”.
Важна памятаць подзвіг тых, хто ахвяраваў сваім жыццём дзеля будучыні краіны. Давайце разам шанаваць і захоўваць гісторыю нашай Радзімы!
Святлана ВОЙШЭЛЬ, класны кіраўнік 9 класа Пархімаўскага ясляў-сада – базавай школы
