Цукрыстаць буракоў, якія здаюць гаспадаркі, павялічылася. Яна амаль наблізілася да базіснай – 15,44%. Бераставіцкі буракапрыёмны пункт прымае па графіку салодкія карані не толькі з гаспадарак нашага, але і Свіслацкага раёна. Буракі правяраюцца лабараторна на забруджанасць і цукрыстасць.
Машыніст буртаўкладачнай машыны Андрэй Шыманскі (на здымку) гаворыць, што работай і заробкам сваім задаволены. Калектыў тут дружны, і людзі робяць усё, каб “салодкі” канвеер працаваў зладжана, а ў нас з’явілася дастаткова цукру з новага ўраджаю.
Ніна Наддэ
