У пачатку новага навучальнага года традыцыйна падводзяцца вынікі ўступнай кампаніі ў вышэйшыя і сярэднія спецыяльныя навучальныя ўстановы. Пра тое, у якім статусе пачалі гэты навучальны год выпускнікі школ Бераставіцкага раёна, я пацікавілася ў аддзеле адукацыі райвыканкама.
— У 2019 годзе ўстановы агульнай сярэдняй адукацыі раёна закончылі 93 адзінаццацікласнікі, — паведаміла метадыст аддзела адукацыі райвыканкама Надзея Фёдарава. – З іх 61 – сталі студэнтамі вышэйшых навучальных устаноў. 18 былых адзінаццацікласнікаў паступілі ў сярэднія спецыяльныя навучальныя ўстановы, 11 — у прафесійна-тэхнічныя. 1 выпускнік працаўладкаваны, а яшчэ 2 па стану здароўя не ўладкаваны.
Калі гаварыць пра былых дзевяцікласнікаў, а базавую адукацыю ў мінулым навучальным годзе атрымалі 145 вучняў дзявятых класаў, то, па словах Надзеі Аляксандраўны, 66 з іх працягваюць навучанне ва ўстановах агульнай сярэдняй адукацыі. 38 выпускнікоў базавай школы паступілі ў сярэднія спецыяльныя навучальныя ўстановы, 40 чалавек атрымліваць прафесійна-тэхнічную адукацыю, 1 – працаўладкаваны.
Ірына МІКЛАШ
