Бераставіцкі раённы цэнтр культуры і народнай творчасці прыняў удзел у святкаванні 760-годдзя Свіслачы і ў прымеркаванам да гэтага юбілею рэгіянальнам свяце «Свіслацкі кірмаш».
Народны ансамбль народнай песні “Бераставіцкія музыкі” прадставіў сваю канцэртную праграму ў рамках выступленняў творчых калектываў Гродзенскай і Брэсцкай абласцей на галоўнай сцэне свята. Работнікі і ўдзельнікі аматарскай творчасці раённага цэнтра культуры і народнай творчасці Андрэй Аруткін, Надзея Дрыц, Алена Бурая і Наталля Траццякова выканалі сольныя эстрадныя нумары. На пляцоўцы «Горад майстроў», дзе размясцілася выстава-продаж сувенірнай прадукцыі майстроў Гродзеншчыны, Брэстчыны, Рэспублікі Польшча і Рэспублікі Літва, можна было ўбачыць і вырабы бераставіцкіх майстроў, прадстаўленыя аддзелам рамёстваў і традыцыйнай культуры. Попытам карысталася паслуга лазертаг, прапанаваная аддзелам па рабоце з моладдзю.
Вырабы бераставіцкіх майстроў – на “Ганенскім кірмашы”
Работнікі аддзела рамёстваў і традыцыйнай культуры Бераставіцкага раённага цэнтра культуры і народнай творчасці прынялі ўдзел у фестывалі-свяце “Ганенскі кірмаш” у г. Зэльва.
На рамеснай пляцоўцы пад назвай “Кірмаш майстэрства”, дзе былі прадстаўлены падворкі раённых дамоў рамёстваў і народных майстроў Гродзеншчыны, праводзіліся майстар-класы, сваю выставу-продаж наладзілі і бераставіцкія майстры. Іх вырабы з саломкі, гліны, роспіс па дрэве і традыцыйная бяспройгрышная латарэя карысталіся попытам у жыхароў Зэльвеншчыны і гасцей свята.
СвятланаГанчарова
