Удзельнікі аматарскага аб’яднання для пажылых “Ладачкі” сабраліся на сваё чарговае пасяджэнне, тэматыкай якога сталі Новы год і Нараджэнне Хрыстова.
Навагоднія і калядныя святы – гэта час добрых спраў і дабрачыннасці, падарункаў і ўзнёслага настрою. Масалянскія актывісты-пенсіянеры сабраліся разам, каб падвесці вынікі года, абмеркаваць план дзейнасці свайго аб’яднання ў будучым годзе і паразважаць на тэму дабрыні і яго ролі ў жыцці чалавека. Удзельнікі аб’яднання ўспомнілі выпадкі выключнай дабрыні і міласэрнасці, з якімі сутыкаліся ў жыцці.
Была і святочная частка сустрэчы з вясёлымі конкурсамі, жартамі, загадкамі. Парадаваліся госці бібліятэкі лірычным песням і салодкаму сталу. Усмешкі на іх тварах – лепшы доказ добрага перадсвяточнага настроя.
Ірына Канеўская, бібліятэкар Масалянскай інтэграванай сельскай бібліятэкі
